29 de mar de 2007

Mañá é o día

Leo un interesante post en Zero Vacas sobre a abortada historia do que ía a ser o diario Galicia, e acabo a leitura cunha sensación de deja vu; moitas veces, repasando a historia do nacionalismo galego, os momentos máis amargos son aqueles nos que poderían ter facilmente cambiado o curso das cousas, e que se estragaron por falta de vontade de persoas concretas, coma aconteceu co diario Galicia. Agora non fai falla ir á hemeroteca; non so vamos a vivir un deses momentos, senón que podemos predecir lugar, data e hora.

Mañá é o día no que van a expulsar a Valadés. Logo do longo debate vivido, reflectido na blogosfera e nos medios de comunicación (de portas adentro, sobre este tema reina o silenzo), todo se vai saldar nun par de horas, nunha votación na que a UPG confirmará de novo que ningúen lle explicou que a democracia non é o mesmo que a ditadura da maioría. Como se nada tivera ocurrido.

A UPG e satélites votarán a favor. Valadés e quenes o apoian votarán en contra. Pero o que de verdade importa será comprobar quenes van quedar na casa. Quenes, coa súa cobardía, axudarán a sacar adiante a votación.

Estou farto da xente que critica os postulados ou a praxe da UPG, pero nunca vai mover un dedo por muda-las cousas. Se o sector "oficialista" non fai nada, estará perdendo a última oportunidade que lle queda para demostrar que outro BNG é posible. Se todo segue coma o previsto, eles serán os responsabeis concretos de que, unha vez máis, volvamos perde-la oportunidade de plasmar no nacionalismo galego os valores dunha modernidade que algúns pretenden evitar a calquera prezo.

Nenhum comentário: