10 de fev. de 2008

Envexa

De vivir nun país normal.

10 comentários:

Anônimo disse...

Sinto moito que segas a sementar esa visión de que o BNG é antisemita. Unha cousa é critica-lo Estado de Israel e outra cousa é ser anti-xudeu.

Ó que si lle estás a facer un gran favor é ó nacionalismo español que ve estas pelexas internas e aproveita para sementa-lo medo ó nacionalismo galego.

É lamentable esta forma de actuar, e máis lamentable todavía é facelo a menos dun mes das elección onde os galegos nos xogamos moito.

Non son militante do BNG máis si que son galeguista e como tal penso que cantos máis diputados teñamos os galegos no congreso mellor nos irá.

Creo que o BNG non ten nada contra o pobo xudeu, pero si que atopa que a forma de actuar do Estado israelí non é correcta en moitas das suas accións. O BNG non é a única organización que ten esa visión da realidade, xa que na UE esta forma de pensar é maioritaria nos distintos partidos e na sua cidadanía.

E para rematar. Salvo algún enfermo mental de ultradereita, non hai ninguén que hoxe en día non condene o Holocausto que os nazis cometeron. O BNG tamén o ten condenado en múltiples propostas no Parlamento.

Se non che gusta o BNG vaite, pero deixa de sementar mentiras sobre o galeguismo.

Anônimo disse...

Unha puntualización sobre o comentario anterior. Pensar qua forma de actuar do goberno xudeu non é correcta, non significa que se estea de acordo coas ditaduras que ten ó redor nin coa forma de actuar dos Palestinos.

Un saúdo.

J. disse...

En primeiro lugar, que non concorde en absoluto con determinadas decisións non significa que non me sinta cómodo no BNG. Teño ben claro que, se algún día deixara de votar ao BNG, pasaría a votar en branco (salvo nas locais, que haí sempre o vou a apoiar). O Bloque é a única organización política coa que conta este país para se liberar, e conseguir que algún día, onde agora hai unha Comunidade Autónoma, chegue a haber unha República. Por iso estou onde estou, porque creo que temos que estar unidos.

Agora ben, unidade non significa uniformidade, e así coma apoio en canto fomente máis autogoberno para o País, e en tantas e tantas iniciativas cívicas nas que o Bloque foi (e segue a ser, maila o que se diga) vangarda, tamén creo que hai aspectos nos que se erra, en ocasións gravemente. Eu non creo que no Bloque haxa un antisemitismo xeralizado, senón que se trata de casos puntuáis. O que si vexo é coma, de xeito sistemático, certa xente promove ese odio grupal para fomentar a unidade, e iso é algo polo que non paso.

Coma ti ben dis, "unha cousa é critica-lo Estado de Israel e outra é ser anti-xudeu". Non podo esta máis dacordo contigo. Daquela, a santo de qué viña misturar ambas cousas, e facelo xusto antes das elecións? É que son parvos? Ou é que saben que metendo aos palestinos polo medio ían a conseguir máis apoio de certas capas da sociedade que si son produndamente xudeófobas, e que non teñen reparos en ignorar a lembranza da Shoah?.

Non sei cal foi o motivo, se foi a estupidez, ou be unha táctica para fomentar a adhesión, máis o que si que teño claro é que este atropelo revela estratos moi fondos dunha sociedade que se gava (a máis das veces, por fortuna, con razón) de non ser racista, pero segue ancorada no odio máis antigo do mundo. E iso si que xa non ten nada que ver co Bloque, co nacionalismo ou co que sexa. Ten que ver cos galegos en xeral, de cómo fumos educados no medo e no rexeitamento, e de coma iso fai posible esperpentos coma o que estamos a tratar.

Que os medios máis españolistas aproveiten estas cousas para satanizar as lexítimas aspiracións de autogoberno dos galegos non quita que a atuación do Grupo Parlamentar (insisto, non de toda a organización), fora unha aberración.

Anônimo disse...

Estou totalmente de acordo cos comentarios de Antón.
Aberración e o que acontece co pobo Palestino, imaxinar que unha forza de esquerdas, o mellor dito que o BNG non esté pola condena do Holocauto obedece a mediocridade de xente que se sente vitima dun maltrato virtual no noso pais.
Sementar ou forzas polémicas para autopublicitarse a costa do BNG, ou pedirlle que mude o seu posicionamento sobre o conflito palestino é pura demagoxia.
Seguide coa vosa historia sionista, moi respetable pero non misturedes ao BNG.

J. disse...

Pois vostede mesmo... se é tan obvio que o BNG está coas vítimas da Shoah, porqué abortou a declaración?

É que non facemos máis que darlle voltas ao mesmo...

Anônimo disse...

Non abortuo nada, apresentou a súa declaración que estimaba máis completa, que entendía mellor o sentir e o pensar da organización BNG, e ademáis da que existen resolucións de posicionamento.
Demoslle a volta a tortilla, porque o coñecemento que ten asociedade de AGAI, se ten algún, e por conflitos ocasionados por por o Sr. PGV co BNG?
Porqué non vale a opción BNG presentada no parlamento?
Acaso non e certo o que dí?
Prégovos que sigades a vosa andaina e deixedes de buscar confrontación onde non hai, casualmente tamén houbo polémica co Sr.PGV semanas antes das eleccions municipais.
¿Casualidade? ¿Perversión?

Anônimo disse...

"Pois vostede mesmo... se é tan obvio que o BNG está coas vítimas da Shoah, porqué abortou a declaración?"

Boas noites. Penso que o BNG presentou unha proposición coa que podes non estar de acordo, pero na que indubidablemente se condenaba o Holocausto. Sen medias tintas. Que aproveitando esa proposición misturasen tamén a lamentable situación á que se ven abocados os Palestinos pode ser discutible, pero o que non se pode dicir é que o BNG é anti-xudeu. Principalmente porque iso dalle munición ós españolistas que non perden puntada para facerlle a puñeta ó galeguismo.

Que hai individuos impresentables dentro do BNG é seguro, coma os hai en tódalas organizacións. Pero dubido que haxa alguén favorable ás teses nazis dentro do partido. E que haxa xente pouco favorable ó Estado israelí non é motivo para facerlle un fraco favor coma este ó galeguismo.

Respeto as túas opinións e vexo ben que fagas crítica do BNG, aínda que non estea de todo de acordo con ela. O que poño en xuízo é o momento para facelo.

J. disse...

Se crese que o BNG é unha organización nazi, mañá mesmo me daría de baixa. Nin eu nin ningún dos demáis militantes do Bloque que coxeamos deste pé cremos que o sexa, e creo que Libertad Digital e sitios así non teñen ningún dereito a equiparar á Fronte cos partido neonazis; o que sempre defendeu o nacionalismo galego foi aos movementos de liberación nacional (e nese sentido claro que é compresible que unha nación sen Estado coma Galiza sinta máis simpatía cara outra que está na mesma situación, coma Palestina, que cara unha que xa conta con Estado de seu, coma Israel), así coma calquera causa que se considerou xusta (se cadra, logo viuse que erróneamente, pero sempre se fixo de boa fé).

Eu non creo que o BNG sexa antisemita. O que creo é que, dentro da sociedade galega, si hai un pouso de xudeofobia (que ten uns motivos históricos moi marcados), e que, ás veces, dentro da Fronte hai quén tende a aprobeitarse dese pouso para crear unidade. Non é algo que nos afecte só a nós. Dende que os Reis Católicos expulsaron aos xudeus de Sefarad, toda a Historia das sucesivas construccións identitarias en Iberia tiveron coma un elemento básico a exclusión do xudeu (xa fora o xudeu real coma o que, ás veces, fora o "xudeu" de turno). E non só aquí; o mesmo pasou en Francia, en Holanda, en Rusia,... por non falar de Alemaña.

A qué ven isto? Pois a que, cando ves que ao longo da Historia se están a repetir uns mesmos parámetros, e que, de cada vez que se completa o ciclo, o resultado é cada vez máis terrible, cobras consciencia de que non podes deixar pasar unha, porque do contrario estarías a tolerar que se estivera de novo a preparar o terreo para que se reproducisen os tempos de Terror. Asegúroche que, se ás veces os filohebreos somos tan susceptibles, e respostamos coa virulencia con que o facemos, é porque temos máis que comprobado que non se debe minusvalorar ningunha ameaza, por cativa que pareza.

Non sei se che convence algo a miña explicación, pero o certo é que foi por iso polo que algúns saltamos cando nos enteramos que non se ían a hornar as vítimas da Shoah, porque non se condeaba tamén a situación de Palestina. O que si que tes razón, e iso é algo que xa levo días pensando, é que hai que comenzar, por uns e outros, a tratar estes asuntos con máis calma, e facelo con habitualidade, non agardando a que unha decisión coma esta faga saltar as alarmas. A relación entre a sociedade galega e a cuestión xudía, coma en todos os países de Europa, é complexa de máis coma para tratala a golpe de titulares. Porque ahí si que pasa o que ti apuntas; os medios que xa non son moi proclives ao nacionalismo, vanno aprobeitar para facer dano.

Creo que, unha vez que pasen as elecións, deberíamos entre todos fomentar un debate no que todos os que queiran participar teñan cabida, con vistas a botar luz nun aspecto ignorado da nosa Historia, que emerxe coma un geiser en situacións coma ista.

Anônimo disse...

Eu penso que hoxe en día o pobo xudeu é un pobo querido, polo menos na sociedade occidental na que vivimos. Non creo que haxa hoxe en día ningún grupo de poboación, quitando catro descerebrados sen ningún tipo de poder, que quixesen agredir de ningunha forma ós xudeus.

Outra cousa é que o Estado xudeu caia ben. Pero non porque estea habitado por xudeus, senón polas continuas imaxes de pauperización da vida dos cidadáns palestinos. Moita da cal ten culpa o Estado israelí, aínda que non sexa o único actor.

O pobo palestino é un pobo que ven de sufrir unha situación difícil. Bloqueados e empobrecidos polos estados que ten ó redor e asoballados polos seus propios dirixentes que se encargan de roubarlles (Al-Fatah) ou de envialos a unha morte irracional en forma de suicidas (Hamas).

Penso que estas acusacións feitas por ti e máis por outra xente o único que ten producido é unha identificación por parte da cidadanía española, e por parte de algunha galego, do BNG co antisemitismo. E penso que nada máis lonxe da realidade. Unha cousa é que non estea de acordo co que fai o Estado israelí e outra que esteas en contra do pobo xudeu.

Non todo é tan doado coma dicir que se non estás comigo estás contra min.

Anônimo disse...

Normal é que umha representaçom do parlamento visite um regime racista que tem ocupado outro país com total tranqüilidade?

Manda caralho.